Հայ մեծ բանաստեղծ Հովհաննես Թումանյանի «Մի կաթիլ մեղրը» բանաստեղծությունների ժողովածուն թարգմանվել է ուկրաիներեն լեզվով:Ուկրաինայում տոնում են հայ գրատպության 400-ամյակը: Այդ իրադարձությանը նվիրված միջոցառումների շրջանակում օրերս տեղի ունեցավ հայ մեծ բանաստեղծ Հովհաննես Թումանյանի «Մի կաթիլ մեղրը» բանաստեղծությունների ժողովածուի շնորհանդեսը:
Մի գյուղացի իրենց գյուղում
Խանութ սարքել, բան էր ծախում։
Օրվան մի օր մոտիկ գյուղից,
Մահակն ուսին, շունն ետևից
Ներս է մտնում մի զըռ չոբան.
— Բարի օր քեզ, ա՛յ խանութպան,
Մեղրը չունե՞ս,
Մի քիչ տաս մեզ։
— Ունեմ, ունեմ, չոբան ախպեր.
Ամանդ ո՞ւր է, ամանըդ բեր,
Ինչ տեղից որ ինքդ կուզես,
Էս սըհաթին քաշեմ տամ քեզ....
Ժողովածուն թարգմանել էր ուկրաիներեն լեզվով Նիկոլաեվ քաղաքի մարզային պատանեկան գրադարանի տնօրեն Նատալյա Տկաչենկոն: «Այդ բալադները գրվել են 19-րդ դարի վերջին, 20-րդ դարի սկզբին,սակայն դրանց թեմաները շատ արդիական են: Դրանք պատերազմի եւ խաղաղության, չարի ու բարու, հայրենիքի նկատմամբ սիրո եւ աշխարհի անցողիկության թեմաներն են»,- ասել է Տկաչենկոն:
